నాగార్జున హీరోగానే కాకుండా నిర్మాతగా కూడా చిన్న చిన్న సినిమాలను నిర్మిస్తుంటాడు. అందులో ఎక్కువశాతం కొత్త వారిని పరిచయం చేస్తుంటాడు. ఈ నేపథ్యంలో శ్రీకాంత్ తనయుడు రోషన్‌ను హీరోగా పరిచయం చేస్తూ తాను తీసిన సినిమా 'నిర్మలా కాన్వెంట్'. ఈ చిత్రంలో ఓ ముఖ్యమైన పాత్రలో నాగ్ కూడా నటించాడు. పాత్ర ప్రేరేపిస్తే తాను చేయడానికి సిద్ధంగానే ఉన్నానని, ఈ విషయంలో అమితాబచ్చన్ గారే నాకు స్పూర్తి అని చెప్పారు. ఆయనలో 10 శాతం చేసినా చాలనుకుంటానని చెప్పుకొచ్చారు.