విశ్వంలోని కొన్ని ఎక్స్‌-కిరణాల ఉద్గారాలు.. మన సౌర వ్యవస్థను కమ్మేసే ఉష్ణ ఐయోనైజ్డ్‌ వాయువుతో కూడిని భారీ బుడగ ద్వారా వెలువడుతున్నట్లు శాస్త్రవేత్తలు నిర్ధరించారు. దీనితో తొలిదశలో సౌర వ్యవస్థ పరిసరాలపై అవగాహన పెరుగుతుందని భావిస్తున్నారు. తెలియని వనరు నుంచి వస్తున్న ఎక్స్‌-కిరణాల మొత్తం సమూహాన్ని గుర్తించడం ద్వారా సరికొత్త విశ్వ రహస్యం గుట్టువిప్పినట్లయింది. 2012లో ప్రయోగించిన డీఎక్స్‌ఎల్‌ రాకెట్‌కు సంబధించిన డేటాను ఉపయోగించి అమెరికా మయామి విశ్వవిద్యాలయ పరిశోధకులు ఎక్స్‌-కిరణాలు వెలువడటానికి సంబంధించిన ఆలోచనల్ని నిర్ధరించారు. ఎక్స్‌ కిరణాల మొత్తం సమూహం తెలిసిన వనరు నుంచి రావడం లేదనే సరికొత్త రహస్యాన్నీ ఈ డేటా వెల్లడించింది.సౌరగాలి నుంచి కాకుండా మిగతా ఎక్స్‌కిరణాలు వేడి బుడగ నుంచి వెలువడతాయని పరిశోధకులు మాసిమిలియానో పేర్కొన్నారు.