షార్జా: రోడ్డు ప్రమాదంలో ఓ వ్యక్తి చనిపోగా, మరో వ్యక్తి తీవ్రగాయాల పాలైన ఘటన దుబాయ్‌ - షార్జా రోడ్డు మార్గంలో చోటు చేసుకుంది. ప్రమాదానికి కారకుడైన వ్యక్తిని పోలీసులు అదుపులోకి తీసుకున్నారు. ప్రమాద విషయాన్ని తెలుసుకోగానే పెట్రోల్‌ వెహికిల్‌లో పోలీసులు అక్కడికి చేరుకుని, బాధితులకు సహాయం అందించే ప్రయత్నం చేశారు. అయితే ఈ ఘటనలో ఓ వ్యక్తి ప్రాణాలు కోల్పోయారు. మరో వ్యక్తిని హుటాహుటిన ఆసుపత్రికి తరలించారు. మృతి చెందిన వ్యక్తి, తీవ్ర గాయాల పాలైన వ్యక్తి భారతీయ వలసదారులుగా గుర్తించారు. గాయపడ్డ వ్యక్తి అల్‌ కువైటీ హాస్పిటల్‌ ఐసీయూలో చికిత్స పొందుతున్నాడు. అతని ఆరోగ్య పరిస్థితి విషమంగా ఉన్నట్లు వైద్యులు వెల్లడించారు.