కాలుష్యాలు వెదజల్లుతున్నాయన్న కారణంపై ఆడి క్యూ5 విక్రయాలను ఇండియాలో నిలిపివేస్తున్నట్లు ఈ సంస్థ ప్రకటించింది. జర్మనీకి చెందిన విలాసవంతమైన కార్ల తయారీ సంస్థ ఆడీ.. ఆటోమోటివ్ రీసెర్చ్ అసోసియేషన్ ఆఫ్ ఇండియా(ఏఆర్‌ఏఐ) నిర్వహించిన పరీక్షలో ఈ కారులో అనుకున్నదానికంటే ఎక్కువగా కాలుష్యం వదులుతున్నట్లు తేలింది.
దీంతో ఈ నిర్ణయం తీసుకున్నట్లు కంపెనీ వర్గాలు తెలియజేశాయి. డీజిల్ వెర్షన్ కారు నుంచి విడుదలయ్యే నైట్రోజన్ ఆక్సైడ్.. కాలుష్య ప్రమాణాల కంటే ఎక్కువగా ఉన్నాయని కంపెనీ పేర్కొంది. వాహనాలకు వర్తించే నిబంధనలకు లోబడి ఈ కారును తయారు చేసి మళ్లీ విడుదల చేస్తామని కంపెనీ ప్రతినిధులు తెలిపారు. ఎప్పటిలోగా రానున్నదో మాత్రం వెల్లడించలేదు.