నాచురల్ స్టార్ నాని హీరోగా విరించి వర్మ దర్శకత్వంలో విడుదలైన చిత్రం 'మజ్ను'. ఈ చిత్రం బాక్సాఫీస్ వద్ద భారీ వసూళ్లను ప్రదర్శిస్తూ సక్సెస్‌ను పొందింది. వరుస హిట్‌ల మీదున్న నానికి 'మజ్ను' హిట్ మరింత జోష్‌ను ఇచ్చింది. దీంతో చిత్ర విజయోత్సవ వేడుకను ఫ్యాన్స్ సమక్షంలోనే చేయాలని ప్లాన్ చేశారు. సెప్టెంబర్ 30, అక్టోబర్ 1 తేదీలలో వైజాగ్‌, విజయవాడ, ఏటూరు, రాజమండ్రి ప్రాంతాలకు వెళ్లి మజ్ను చిత్రం ప్రదర్శిస్తున్న థియేటర్లలో నానితో పాటు చిత్ర యూనిట్ సెలబ్రేట్ చేసుకోనుంది. ప్రస్తుతం నాని 'నేను లోకల్' సినిమాతో బిజీగా ఉన్నాడు.