అక్కినేని నాగార్జున... యువసామ్రాట్. రొమాంటిక్, యాక్షన్ హీరోగా సినిమాలు చేస్తూనే తన కెరీర్‌కు భిన్నంగా అన్నమయ్య లాంటి భక్తిరస చిత్రాల్లో నటించి ప్రయోగాలు చేసి సక్సెస్ సాధించిన హీరో. ఇంకా చెప్పాలంటే రొటీన్‌కు భిన్నంగా వుండే నాగ్, కాస్త వెరయిటీ రోల్స్‌లో కనిపించే ప్రయత్నం చేస్తుంటాడు.
హీరో ఇమేజ్ చట్రంలో నుంచి బయటకొచ్చి ఊపిరిలో వీల్ చెయిర్‌కు పరిమితమైన పాత్రలో మెప్పించి హిట్ కొట్టాడు. తన మూవీల్లో కొత్తదనం కోసం తపించే ఈ హీరో ఇప్పుడు మరో ఎక్స్‌పెర్మెంట్‌కు రెడీ అవుతున్నాడట.రీసెంట్ మూవీలతో తెలుగులో మంచి స్కోప్ ఏర్పచుకున్న మోహన్‌లాల్.. ఇక నుండి టాలీవుడ్ మార్కెట్‌పై కాన్సంట్రేట్ చేస్తున్నాడట.

మాలీవుడ్‌లో ప్రియదర్శన్ రామ్ డైరెక్షన్‌లో మోహన్‌లాల్ నటించిన సినిమా 'ఒప్పం'. రిలీజయిన మూడు వారాల్లో టాప్ కలెక్షన్లు సాధించి సూపర్‌హిట్‌గా నిలిచిన ఆ మూవీని తెలుగు రీమేక్‌లో నాగార్జునతో చేయించాలని ప్లాన్‌లో ఉన్నారని ఇన్‌సైడ్ టాక్.
 
అందులో మోహన్‌లాల్ కళ్లులేని వాడిగా నటించాడు. ఓ లిఫ్ట్ ఆపరేటర్‌గా పనిచేసే తను అపార్ట్‌మెంట్‌లో హత్య చేసిన కిల్లర్ ను ఎలా పట్టుకున్నాడనేదే కథ. ఇందులో మోహన్‌లాల్ బ్లైండ్‌మ్యాన్‌గా నటించి మెప్పించాడు. అయితే ఈ క్యారెక్టర్ చేయడానికి నాగ్ సాహసం చేస్తాడా? అనేదే డౌట్. నాగార్జున ఒప్పుకుంటే ఒప్పం తెలుగు రీమేక్ చేసేద్దామనే ఆలోచనలో ఉన్నారని సమాచారం.