జెడ్డా: ఇద్దరు వ్యక్తులు, ఓ మహిళపై అకారణంగా వ్యభిచారం ఆరోపణలు చేసినందుకుగాను క్రిమినల్‌ కోర్ట్‌ జడ్జ్‌ ఆ ఇద్దరికీ 80 రోజులపాటు జైలు శిక్ష విధించారు. కేసు వివరాల్లోకి వెళితే, తన భార్య నుంచి తన పిల్లల్ని వేరు చేసి, తనకు అప్పగించాల్సిందిగా ఓ వ్యక్తి కోర్టును ఆశ్రయించారు. విచారణ సందర్భంగా, ఆ వ్యక్తి తన భార్య వ్యభిచారం చేస్తోందని ఆరోపించాడు. అయితే ఆ వ్యక్తి చెప్పిన మాటల్ని ప్రాసిక్యూటర్‌ విశ్వసించలేదు. ఆయన చూపిన ఆధారాలు సైతం అనుమానాస్పదంగా ఉన్నాయి. ఇంకో వైపున బాధితురాలి తరఫు లాయర్‌, తన క్లయింట్‌ తరఫున వాదనల్ని వినిపించారు. అయితే ఆధారాల్ని చూపే క్రమంలో ఆ భర్త ఇద్దరు వ్యక్తులతో సాక్ష్యాలు ఇప్పించగా, వాటిని న్యాయమూర్తి తిరస్కరించారు. మహిళల ఆత్మగౌరవాన్ని కించపర్చేలా, వారిపై అభాండాలు మోపాలనుకునేవారికి ఈ తీర్పు చెంపదెబ్బ లాంటిదని బాధితుఆలి తరఫు లాయర్‌ బాదర్‌ అల్‌ షాత్రి చెప్పారు.