మనామా: హౌస్‌మెయిడ్‌ తప్పిపోయిన ఘటనలో ఇన్వెస్టిగేషన్‌ జరుగుతుండగా, హ్యూమన్‌ ట్రాఫికింగ్‌కి పాల్పడుతున్న గ్యాంగ్‌ వ్యవహారం వెలుగు చూసింది. నార్తరన్‌ గవర్నరేట్‌లో ఓ ఫ్యామిలీతో కలిసి నివసిస్తున్న హౌస్‌మెయిడ్‌ అపహరణకు గురైంది. ఆమెను ఓ గదిలో కొందరు దుండగులు బంధించారు. ఆమె ఉన్న ప్రాంతంలో అన్‌ సెక్యూర్డ్‌ వైఫై కనెక్షన్‌ ఉండటంతో, దాని సాయంతో ఆమె తన స్నేహితులకు సమాచారం అందించారు. దాంతో పోలీసులు రంగంలోకి దిగి ఆమెను కనుగొని, రక్షించారు. బాధితురాలిని ఓ మహిళ నేర్పుగా తన వద్దకు రప్పించుకుని, మంచి జీతానికి పని ఇస్తానని చెప్పి, వ్యభిచారం చేయాల్సిందిగా ఆమెను బలవంతపెట్టినట్లు పోలీసులు విచారణలో తేల్చారు. బాధితురాలు ఇచ్చిన సమాచారం మేరకు, హ్యూమన్‌ ట్రాఫికింగ్‌కి పాల్పడుతున్న గ్యాంగ్‌ని అరెస్ట్‌ చేశారు పోలీసులు.