ప్రార్థించే హక్కు కోసం జరిగిన పోరాటానికి మరో విజయం లభించింది. ముంబైలోని హాజీ అలీ దర్గా అంతర్భాగంలోకి మహిళలను అనుమతిస్తామని ట్రస్ట్ పాలకవర్గం తెలిపింది. ఇప్పటి వరకూ మహిళల ప్రవేశంపై ఉన్న నిషేధాన్ని తొలగించడానికి అంగీకరించింది. ఈ మేరకు సుప్రీం కోర్టుకు రాతపూర్వకంగా సమ్మతిని తెలిపింది. దర్గాలోకి మహిళలను అనుమతించాలని గతంలో బొంబాయి హైకోర్టు తీర్పు చెప్పింది. తర్వాత ఈ వివాదం సుప్రీం కోర్టుకు చేరింది. చివరకు దర్గా పాలకవర్గం మహిళల ప్రవేశానికి అంగీకారం తెలపడంతో వివాదం సమసిపోయింది. దర్గాలో ప్రవేశానికి సామాజిక కార్యకర్త తృప్తి దేశాయ్ సుదీర్ఘ పోరాటం చేశారు.