టాలీవుడ్ లో ఒకప్పడు టాప్ హీరోయిన్ గా ఉన్న రంభ వివాహ తర్వాత మూవీలకు దూరంగానే ఉంది.. తాజాగా ఆమె వైవాహిక జీవితం ఒడిదుడుకుల్లో పడింది. 2010 ఏప్రిల్ లో శ్రీలంకకు చెందిన ఇందిరన్ పద్మనాథన్ ను రంభ వివాహం చేసుకుంది. భర్త కెనడాలో సెటిలైన బిజినెస్ మేన్. భర్తతో కలిసి టోరంటోలో నివసించిన రంభకు 5, 19 నెలల ఇద్దరు కూతుళ్లున్నారు. కొన్ని నెలల నుంచి భార్యాభర్తలిద్దరూ విడివిడిగా ఉంటున్నారు. వారిద్దరి మధ్య గొడవకి కారణాలేంటో బయటికి రాలేదు. తాజాగా రంభ బీటలు పడ్డ తన వివాహబంధాన్ని నిలబెట్టాలని కోరుతూ ఫ్యామిలీ కోర్టును ఆశ్రయించింది. హిందూ మ్యారేజ్ యాక్ట్ లోని సెక్షన్ 9 ప్రకారం తాను భర్తతో నివసించేలా చేయమని అభ్యర్థించింది.  డిసెంబర్ 3న ఈ కేసుపై విచారణ జరుగుతుంది. వైవాహిక జీవితం విచ్చిన్నం కాకుండా రంభ ప్రయత్నాలను ముమ్మరం చేసింది.