మనామా: అలియారు కుంజు నిస్సారుద్దీన్‌ అనే 36 ఏళ్ళ భారతీయ వలసదారుడి ఆచూకీ గల్లంతయ్యింది. గుడైబియాలో నివసించే తన రూమ్‌మేట్‌కి ఫోన్‌ చేసిన అలియారు, తాను హమాద్‌ టౌన్‌లో స్నేహితుడ్ని కలవడానికి వెళుతున్నట్లు చెప్పాడు. అయితే ఆ తర్వాత అతనికి సంబంధించిన ఎలాంటి సమాచారం లేదని అలియారు సోదరుడు నౌషాద్‌ చెప్పాడు. కేరళ నుంచి బహ్రెయిన్‌కి వచ్చిన నిస్సారుద్దీన్‌, ఓ ప్రైవేటు కంపెనీలో పనిచేస్తున్నాడు. నిస్సారుద్దీన్‌కి భార్య, ఇద్దరు పిల్లలు ఉన్నారు. నిస్సారుద్దీన్‌ ఆచూకీ తెలిసినవారెవరైనా సమాచారాన్ని నౌషాద్‌కి 39076367 లేదా 39241359 నెంబర్లలో సంప్రదించవచ్చు.