యెమెన్‌లోని ఆల్‌-హొద్యాదాలోని ఓ జైలుపై సౌదీ జరిపిన వైమానిక దాడిలో 60మంది ఖైదీలు మృతిచెందారు. 38మందికిపైగా గాయపడ్డారు. దాడులు జరిగిన ప్రదేశం ఆల్‌-జ్యాదియా జిల్లాలో ఉన్నట్లు సమాచారం. ప్రాణాలతో ఉన్న వారిని రక్షించేందుకు అధికారులు తీవ్రంగా యత్నిస్తున్నారు. ప్రాణాపాయ స్థితిలో ఉన్న వారిని రక్షించేందుకు స్థానిక ప్రజలు రక్తదానం చేయవలసిందిగా ఆల్‌-జ్యాదియాలోని ఆరోగ్యకేంద్రం ప్రకటన విడుదల చేసింది. శనివారంసౌదీ యుద్ధ విమానాలు జరిపిన దాడిలో 27మంది మృత్యువాతపడ్డారు. వీరిలో సాదా, మారిబ్‌, టైజ్‌ ప్రావిన్స్‌లకు చెందిన పిల్లలు, మహిళలు ఎక్కువగా ఉన్నారు.