భారతదేశంలో బడ్జెట్‌ ఎయిర్‌లైన్స్‌గా ప్రయాణీకుల ఆదరాభిమానాల్ని చూరగొన్న స్పైస్‌జెట్‌, దుబాయ్‌ - మంగుళూరు మధ్య డైరెక్ట్‌ ఫ్లైట్‌ని అనౌన్స్‌ చేసింది.ఈ లాంచింగ్ కార్యక్రమములో కంట్రీ హెడ్ వినయ్ నంబియార్ కేక్ కట్ చేసారు.ప్రతిరోజూ ఈ డైరెక్ట్‌ ఫ్లైట్‌ ప్రయాణీకులకు సేవలందించనుంది. ఇంట్రడక్షన్‌ ఆఫర్‌ కింద కేవలం 308 అరబ్‌ ఎమిరేట్స్‌ దినార్స్‌తో ప్రయాణించే వెసులుబాటు కల్పించారు. బోయింగ్‌ 737 విమానాల్ని ఇందుకోసం స్పైస్‌జెట్‌ వినియోగించనుంది. మంగళూరు నుంచి దుబాయ్‌కి వెళ్ళే విమానం ప్రతిరోజూ ఉదయం 0.20 గంటలకు టేకాఫ్‌ అవుతుంది. దుబాయ్‌ - మంగళూరు విమానం మంగళ, బుధ, గురు, శుక్ర మరియు ఆదివారాల్లో మధ్యాహ్నం 12.55 గంటలకు, సోమ మరియు శనివారాల్లో ఉదయం 3.40 నిమిషాలకు టేకాఫ్‌ అవుతుంది. స్పైస్‌జెట్‌కి సంబంధించినంతవరకు ఆరు విదేశీ డెస్టినేషన్స్‌లో దుబాయ్‌ ఒకటి. భారతదేశంలో పది డెస్టినేషన్స్‌కి స్పైస్‌జెట్‌ నాన్‌ స్టాప్‌ ఫ్లైట్‌ సర్వీసుల్ని ఇప్పటికే నిర్వహిస్తోంది. అహ్మదాబాద్‌, అమృత్‌సర్‌, ఢిల్లీ, జైపూర్‌, కోచి, కోజికోడ్‌, మధురై, ముంబై, పూణె మంగళూరు నగరాలకు ఈ విమానాలు అందుబాటులో ఉన్నాయి.