మస్కట్‌: ఓ భవనంలో అగ్ని ప్రమాదం సంభవించడంతో, అందులో చిక్కుకపోయిన ఐదుగురు వ్యక్తులను రక్షించడానికి ఫైర్‌ ఫైటర్స్‌ ప్రాణాలకు తెగించి పోరాటం చేశారు. వారి పోరాటం ఫలించి, ఆ ఐదుగురు వ్యక్తులూ రక్షింపబడ్డారు. భవనం పై అంతస్తులో ఉన్నవారిని రెస్క్యూ క్రేన్‌ సహాయంతో రక్షించారు. సివిల్‌ డిఫెన్స్‌ అండ్‌ అంబులెన్స్‌ అధికార ప్రతినిథి మాట్లాడుతూ ఐదుగురు వ్యక్తులు స్వల్ప గాయాలతో బయటపడ్డారని తెలిపారు. ఐదో ఫ్లోర్‌లో అగ్నిప్రమాదం సంభవించి, ఆ భవనమంతటా క్షణాల్లో మంటలు వ్యాపించాయని ఆయన వివరించారు. ఉదయం 8.45 నిమిషాల సమయంలో ఈ ప్రమాదం చోటు చేసుకుంది. ఇంకా సంఘటనా స్థలంలో ఫైర్‌ఫైటర్స్‌, మంటల్ని అదుపు చేసేందుకు ప్రయత్నిస్తున్నట్లు పబ్లిక్‌ అథారిటీ ఫర్‌ సివిల్‌ డిఫెన్స్‌ అండ్‌ అంబులెన్స్‌ వర్గాలు సోషల్‌ మీడియా ద్వారా వెల్లడించాయి.