నాకు విలన్ రోల్ చేయాలని వుంది. అయితే అన్నయ్య సూర్య సినిమాలోనే ఆ పాత్ర చేస్తా. అంతే తప్ప ఇతర హీరోలకు విలన్ గా కనిపించను"అని చెప్పాడు హీరో కార్తీ. కార్తీ కొత్త సినిమా కాష్మోర. ఇటివల ప్రేక్షకుల ముందుకు వచ్చిన ఈ సినిమా విజయాన్ని అందుకుంది. ఈ సినిమా సక్సెస్ మీట్ లో మాట్లాడిన కార్తీ ఓ ప్రశ్నకు పై సమాధనం ఇచ్చారు.ఇంకా సినిమా గురించి చెబుతూ.. 'ఈ సినిమా ఆడుతుందని నమ్మి చేశా. వూహించిన దానికన్నా పెద్ద హిట్‌ అయ్యింది. ఈ సినిమాతో నా మార్కెట్‌ పెరిగిందనుకుంటున్నా. ఈ సినిమాని అన్నయ్యతో కలిసి చూశా. నా నటన చూసి అన్నయ్య షాక్‌ అయ్యారు. అన్నయ్య కు సినిమాలో'రాజ్‌నాయక్‌' పాత్ర బాగా నచ్చింది" అని చెప్పుకొచ్చాడు కార్తీ.ఇక కొత్త సినిమా గురించి మాట్లాడుతూ.. ప్రస్తుతం మణిరత్నం సినిమా షూటింగ్ జరుగుతొందని, ఆ తర్వాత ఓ పోలీస్‌ స్టోరీ చేస్తానని, ప్రస్తుతం స్క్రిప్ట్ వర్క్ జరుగుతుందని వెల్లడించాడు కార్తి.