భారత ప్రధాని నరేంద్రమోదీ రూ.500, రూ. 1000 నోట్లను రద్దు చేయడాన్ని ప్రశంసిస్తూ కథానాయకుడు మహేష్‌బాబు ట్వీట్‌ చేశారు. 'మన దేశానికి, ఆర్థిక వ్యవస్థకు రీఫ్రెషింగ్‌ మార్పు. ప్రజల కోసం, ప్రజల చేత ఎన్నుకోబడ్డ ప్రజల వ్యక్తి తెలివిగా నిర్ణయం తీసుకున్నారు. మీకు సెల్యూట్‌ నరేంద్ర మోదీ సార్‌!' అని మహేష్‌ ట్విట్టర్‌లో వ్యాఖ్యానించారు. దీంతోపాటు రూ.2000 నోటు ఫొటోను పోస్ట్‌ చేశారు.
అవినీతి, నల్లధనాన్ని అరికట్టేందుకు మోదీ తీసుకున్న ఈ నిర్ణయానికి మద్దుతు పలుకుతూ ఇప్పటికే పలువురు ప్రముఖులు ట్వీట్లు చేసిన సంగతి తెలిసిందే.