మెగాస్టార్ చిరంజీవి 150వ చిత్రం 'ఖైదీ నెం.150' చిత్రానికి నిర్మాతగా వ్యవహరిస్తున్నాడు రాంచరణ్. ఇకపై కూడా ప్రొడ్యూసర్ గా కొనసాగాలని డిసైడ్ అయినట్టు సమాచారమ్. మెగా హీరోలతో కాకుండా బయటి హీరోలతోను చరణ్ సినిమాలని ప్లాన్ చేస్తున్నట్టు తెలుస్తోంది.చరణ్-శర్వానంద్ లు బాల్య స్నేహితులు. ఇప్పుడు శర్వానంద్ హీరోగా ఓ సినిమాని తెరకెక్కించేందుకు ప్లాన్ చేశాడు చరణ్. దర్శకుడు ఎవరన్నది త్వరలోనే తేలనుంది. ఈ సినిమాతో పాటుగా అఖిల్ అక్కినేని సినిమాని కూడా చరణ్ నిర్మించనున్నాడు. ప్రస్తుతం అఖిల్ విక్రమ్ కె కుమార్ దర్శకత్వంలో ఓ సినిమా చేయబోతున్నాడు. ఈ చిత్రాన్ని అన్నపూర్ణ స్టూడియోస్ నిర్మించనుంది.ఈ చిత్రం తర్వాత అఖిల్ చేయబోయే చిత్రాన్ని చరణ్ నిర్మించనున్నట్టు ఫిల్మ్ నగర్ సమాచారమ్.మొత్తానికి.. ఇటు సినిమాలు చేస్తూనే, అటు నిర్మాతగానూ కొనసాగాలని చరణ్ డిసైడ్ అయినట్టు తెలుస్తోంది. మరీ.. నిర్మాతగా చరణ్ ఏ మేరకు రాణిస్తాడో చూడాలి.