సాధారణంగా పిల్లల్లో ఐదేళ్లు వచ్చే సరికి యూరినల్‌ కంట్రోల్‌ వచ్చేస్తుంది. కానీ కొద్దిమంది పిల్లల్లో ఈ కంట్రోల్‌ అనేది ఉండదు. సహజంగా 95శాతం మంది పిల్లల్లో ఇది సమస్య కానే కాదు. కానీ మిగిలిన 5 శాతం మంద పిల్లల్లో రాత్రిళ్లు పక్క తడిపే అలవాటు ఉంటుంది. దీనికి అనేక రకాల కారణాలు ఉంటాయి. వాటిలో ముఖ్యమైనది హార్మోన్స్‌ అసమతుల్యం కూడా కావచ్చు. అంతేకాదు పిల్లల్లో అడినాయిడ్స్‌ కూడా ఒక కారణం కూడా కావచ్చు. ఈ సమస్య ఉన్న పిల్లలను ముందు తల్లితండ్రులు శిక్షించకూడదు. సున్నితంగా నచ్చచెప్పాలి. నిద్రపోయేముందు చక్కెర, కెఫిన్‌లాంటి పదార్ధాలు ఉన్న ఆహారాన్ని ఇవ్వకూడదు. ద్రవ పదార్ధాలను సాయంత్రం ఆరు దాటాక ఇవ్వడం ఇక తగ్గించాలి. రాత్రి పడుకునే ముందు ఒకసారి మూత్ర విసర్జన చేయించాలి. పడుకున్న తర్వాత ఒక గంట పోయినాక లేపి మళ్లీ బాతురూంకి పంపించాలి. ఇలా చేయడం వల్ల క్రమక్రమంగా ఈ అలవాటు తగ్గే అవకావం ఉంటుంది. ఈ సమస్యకు హార్మోన్‌ లోపాలు కారణం అయితే 3 - 6 నెలలపాటు మందులు వాడడం వల్ల సమస్యను 50శాతం మందిలో అదుపు చేయవచ్చు. ఇంకా ఈ సమస్య అదుపులోకి రాకపోతే పిల్లల డాక్టర్ల ఆధ్వర్యంలో తగు చికిత్స చేయించాల్సిన అవసరం ఎంతైనా ఉంది.