గోపీచంద్ మలినేని దర్శకత్వంలో సాయిధరమ్ తేజ్ కథానాయకుడిగా 'విన్నర్' చిత్రం తెరకెక్కుతోంది. రకుల్ కథానాయికగా నటిస్తోన్న ఈ సినిమా, ఈ మధ్యనే షూటింగ్ నిమిత్తం టర్కీ వెళ్లింది. ప్రధాన పాత్రలకి సంబంధించిన కొన్ని కీలకమైన సన్నివేశాలను, పాటలను అక్కడ చిత్రీకరించారు. ఈ షెడ్యూల్ పూర్తికావడంతో తదుపరి షెడ్యూల్ కోసం తిరిగివచ్చేసింది. ఈ సినిమాలో ఆది పినిశెట్టి ప్రతినాయకుడిగా నటిస్తుండగా, అనసూయ ఐటెం సాంగ్ చేయనుంది. ఫిబ్రవరిలో ఈ సినిమాను విడుదల చేయాలనే ఆలోచనలో వున్నారు.