జెట్‌ ఎయిర్‌వేస్‌ సరికొత్త పథకంతో ముందుకొచ్చింది. దేశీయంగా తను విమానసర్వీసులు నడిపే మార్గాల్లో ఒక వైపు ప్రయాణాన్ని రూ.899 (పన్నులతో కలిపి) ప్రారంభ ధరకే అందిస్తోంది. నిన్న అర్ధరాత్రి నుంచి టికెట్‌ విక్రయాలు ప్రారంభమయ్యాయి. డిసెంబరు 2 వరకు అమ్మకాలు కొనసాగుతాయి. ఎకానమీ క్లాసుకు అది కూడా ఎంపిక చేసిన మార్గాలకు మాత్రమే ఈ పథకం వర్తిస్తుంది. అలాగే ప్రయాణ తేదీకి 15 రోజుల పోస్ట్‌ బుకింగ్‌ వెయిటింగ్‌ పీరియడ్‌ ఉంటుంది. గడువు లోపు ఎవరైతే ముందు బుక్‌ చేసుకుంటారో వారే ఈ పథకానికి అర్హులవుతారని జెట్‌ ఎయిర్‌వేస్‌ ఒక ప్రకటనలో తెలిపింది.అలాగే ప్రయాణ ప్రణాళికలో మార్పులు చేయదలిస్తే అదనంగా ఛార్జీలు చెల్లించాల్సి ఉంటుందని పేర్కొంది.