నేటి పోటీ ప్రపంచంలో పిల్లలు తమ భవిష్యత్ లక్ష్యాలను సాధించాలంటే ప్రతిష్టాత్మక  యూనివర్సిటీ చదువు చాలా అవసరమని  యూ. ఏ. ఈ.  92 శాతం తల్లిదండ్రులు నమ్ముతున్నట్టు HSBC  వారి 16 దేశాల్లో, యూ. ఏ. ఈ.  నుండి 450 మందితో సహా మొత్తం 5550 తల్లిదండ్రుల నుండి జరిగిన అభిప్రాయ సేకరణ -  'వాల్యూ ఆఫ్ ఎడుకేషన్-2015:లెర్నింగ్ ఆఫ్ లైఫ్'  తెలియజేసింది.  ఈ భావన యూ. ఏ. ఈ. లో నానాటికి పెరుగుతూ వస్తోందని, ఇంకా వారు తమ పిల్లల చదువులపై అనేక ఆశలు పెట్టుకున్నారని, 89 శాతం మంది - పిల్లలు ఎల్.కె.జి. స్థాయిలో ఉన్నప్పటినించే, ఫలానా రంగంలో రాణించడానికి ప్రణాళికలు వేస్తుంటారని తెలియవచ్చింది. ఇంకా 33 శాతం మంది వైద్యం, 16 శాతం మంది ఇంజనీరింగ్, 11 శాతం మంది కంప్యూటర్ సైన్స్ చదివించాలని నిర్ణయించుకున్నట్టు తెలియవచ్చింది. ఇంకా, 80 శాతం మంది తమ పిల్లల్ను పోస్ట్ గ్రాడ్యుఏట్లు గా చూడాలని తహతహలాడుతున్నట్టు ఈ నివేదిక తెలిపింది.

--సి.శ్రీ(దుబాయ్)