మస్కట్‌: రెండేళ్ళ చిన్నారి మృతదేహం సమాయిల్‌ ప్రావిన్స్‌ - దక్లియా గవర్నరేట్‌లోని ఓ బావిలో కనుగొనబడింది. పబ్లిక్‌ అథారిటీ ఫర్‌ సివిల్‌ డిఫెన్స్‌ అండ్‌ అంబులెన్స్‌ (పిఎసిడిఎ) వర్గాలు ఈ విషయాన్ని వెల్లడించాయి. సోమవారం మధ్యాహ్నం నుంచి చిన్నారి కనిపించకుండా పోయాడు. ఉదయం 8.45 నిమిషాల సమయంలో పిఎసిడిఎ రెస్క్యూ టీమ్‌ బాలుడి మృతదేహాన్ని అతని కుటుంబం నివసిస్తోన్న ఇంటికి సమీపంలో ఉన్న ఫామ్‌లోగల బావిలోకనుగొంది. ఆగస్ట్‌లోనూ ఇలాంటి ఘటనే చోటుచేసుకుంది. సముద్రంలో, వాడిస్‌లో, బావుల్లో చిన్నారులు చనిపోయిన ఘటనలు 2014లో ఆరు నమోదు కాగా, 2015లో 7 ఘటనలు నమోదయ్యాయి. ఒమన్‌లో ఇలా మునిగిపోవడం అనే కేసులు సాధారణంగా మారిపోయాయి. హెచ్చరికల్ని ప్రజలు బేఖాతరు చేస్తుండడం ఈ ప్రమాదాలకు ముఖ్య కారణం. చిన్న పిల్లల విషయంలో తల్లిదండ్రులు ఇంకా జాగ్రత్తగా వ్యవహరించవలసి ఉంటుంది.