సినీనటుడు, జనసేన పార్టీ అధ్యక్షుడు పవన్‌కల్యాణ్‌ వచ్చే నెల రెండున నగరానికి రానున్నారు. 2014 ఎన్నికల తర్వాత పవన్‌కల్యాణ్‌ తొలిసారి నగరానికి వస్తుండడంతో ఘనస్వాగతం పలికేందుకు ఆయన అభిమానులు, పార్టీ కార్యకర్తలు ఏర్పాట్లు చేస్తున్నారు. శ్రీకాకుళం జిల్లాలో వచ్చే నెల మూడున పవన్‌కల్యాణ్‌ బహిరంగసభ ఏర్పాటుచేశారు. ఆ సభలో పాల్గొనేందుకు పవన్‌కల్యాణ్‌ జనవరి రెండున సాయంత్రం ఆరు గంటలకు విమానంలో విశాఖ చేరుకుంటారు. ఆరోజు రాత్రి నోవాటెల్‌ హోటల్‌లో బసచేస్తారు. మూడవ తేదీ ఉదయం ఏడు గంటలకు విశాఖ నుంచి బయలుదేరి రోడ్డుమార్గంలో శ్రీకాకుళం చేరుకుంటారు. ఉదయం పది గంటల నుంచి 12 గంటలవరకూ అక్కడ జరిగే సభలో పాల్గొన్న తర్వాత మధ్యాహ్నం నాలుగు గంటలకు విశాఖ చేరుకుంటారు.

ఆరోజు నగరంలో పార్టీ నేతలు, కార్యకర్తలతో ముఖాముఖి నిర్వహించే అవకాశం వున్నట్టు సమాచారం. జనవరి నాలుగున తిరిగి హైదరాబాద్‌ వెళ్లిపోతారు. ఈ మేరకు పర్యటన ఖరారైనట్టు ఆ పార్టీ నేతలు తెలిపారు.