నటుడు సంపూర్ణేష్ బాబు తన పెద్ద మనసును చాటుకున్నారు. జిల్లాలోని గాడిచెర్లపల్లిలో వింతవ్యాధితో బాధపడుతున్న మహిళ వినోదకు రూ. 10వేల ఆర్థిక సహాయం అందించారు. దీంతో ఇన్నాళ్లు ఎవరూ తమ గోడు పట్టించుకోలేదని, సంపూ మాత్రమే తమ సమస్యపై స్పందించి ఆర్థిక సాయం చేయడానికి ముందుకొచ్చారని వినోద తెలిపింది. సంపూర్ణేష్ బాబు కూడా వినోద త్వరగా కోలుకోవాలని ఆకాంక్షించాడు. తాను చేసిన సాయం గొప్పది కాకపోవచ్చు కానీ ఎంతో కొంత భరోసానిస్తుందని భావిస్తున్నట్లు సంపూ తెలిపాడు.