అమెరికా భావి అధ్యక్షుడు డొనాల్డ్‌ ట్రంప్‌కు చెందిన ట్రంప్‌ టవర్‌లో అనుమానాస్పద సంచి కలకలం సృష్టించింది. దీంతో భద్రతాధికారులు భవనాన్ని తాత్కాలికంగాఖాళీ చేయించారు. ఉరుకులు పరుగుల మీద అక్కడకు చేరుకున్న బాంబ్‌ స్క్వాడ్‌ ఆ సంచిని తనిఖీ చేసి అందులో ఉన్నవి చిన్నపిల్లల బొమ్మలని తేల్చారు. దీనికి సంబంధించిన వీడియో ఒకటి ఇంటర్నెట్‌లో విడుదల చేశారు. మాన్‌హట్టన్‌లోని ట్రంప్‌ టవర్స్‌ నుంచి ప్రజలు ప్రాణభయంతో పరుగులు తీస్తున్న దృశ్యాలు ఈ వీడియోలో ఉన్నాయి.