జనవరి 1న ఖతార్‌లో ఏడవ రిటైల్‌ ఔట్‌లెట్‌ని ప్రారంభించనున్నట్లు క్వాలిటీ గ్రూప్‌ ప్రకటించింది. ఉదయం 11 గంటలకు క్వాలిటీ మాల్‌ ప్రారంభం కానుంది. క్వాలిటీ గ్రూప్‌ ఛైర్మన్‌ షంసుద్దీన్‌ ఒలకారా మాట్లాడుతూ, మూడు అంతస్తుల క్వాలిటీ మాల్‌ 14,000 చదరపు అడుగుల విస్తీర్ణంలో రూపొందించబడింది. ఇండిపెండెంట్‌ కియోస్క్‌లు, పలు ఔట్‌లెట్స్‌, ఫ్రాంఛైజీస్‌, ఇంకా చాలా షాపింగ్‌ స్పేస్‌ ఇక్కడ అందుబాటులో ఉంటుంది. క్వాలిటీ మాల్‌లో పార్కింగ్‌ ఏరియా 300 కార్ల కోసం ఏర్పాటు చేయబడింది. క్వాలిటీ హైపర్‌ మార్కెట్‌లో ఫుడ్‌ ఐటమ్స్‌, రగాసరీస్‌, హౌస్‌హోల్డ్‌ వేర్స్‌ వంటివి లభ్యమవుతాయి. బ్యూటీ సెలూన్స్‌, కాన్ఫెక్షనరీస్‌, లాండ్రీ, ఫార్మసీ మరియు ఫుడ్‌ కోర్ట్‌ని ఇందులో ఏర్పాటు చేశారు. ఇందులో మొత్తం 50కి పైగా రిటైల్‌ ఔట్‌లెట్స్‌ కూడా ఉన్నాయి. వక్రాలో మరో హైపర్‌మార్కెట్‌ని ప్రారంభించేందుకు సన్నాహాలు చేస్తున్నట్లు ఒలకారా చెప్పారు. మలేసియాలో తమ గ్రూప్‌కి చెందిన తొలి హైపర్‌ మార్కెట్‌ని మార్చ్‌ - ఏప్రిల్‌లో ప్రారంభించనున్నారు. కౌలాలంపూర్‌కి 75 కిలోమీటర్ల దూరంలో ఇది ఏర్పాటవుతోంది. అబుదాబీలో రిటైల్‌ మార్కెట్‌ రంగంలోకి కూడా క్వాలిటీ గ్రూప్‌ ప్రవేశిస్తోంది. క్వాలిటీ గ్రూప్‌ ఇంటర్నేషనల్‌ ఇండియాలోని బెంగళూరులో ఇప్పటికే ఓ హైపర్‌ మార్కెట్‌ని నిర్వహిస్తోంది.