ఈ రోజు మనం పాలకూర తో చేసే ఒక వెరైటీ వంటకాన్ని చూద్దామా.. అదే 'సబ్జీ మిలానీ హరియాలి'

కావలసిన పదార్ధాలు:

• జీలకర్ర                                            - 1 టీ స్పూను
• ఉల్లిపాయలు                                   - 2 (సన్నగా తరిగినది)
• గరం మసాలా                                   - 1 టేబుల్ స్పూను
• ధనియాల పొడి                                - 1 టేబుల్ స్పూను
• జాజికాయ పొడి                                 - 1 టీ స్పూను
• కసూర్ మేతి                                      - 2 టేబుల్ స్పూన్లు
• క్రీమ్                                                  - 1 టేబుల్ స్పూను
• మిక్స్డ్ వెజిటబుల్స్(ఉడికించినవి)   - 2 కప్పులు (క్యారట్, బీన్స్, పచ్చి బఠాణీ, కార్న్ ముక్కలు, క్యాలిఫ్లవర్)
• ఆయిల్                                               - 5 టేబుల్ స్పూన్లు
• ఉప్పు                                                   - తగినంత
• పసుపు                                                 - చిటికెడు

పేస్టు కొరకు:

• ఉల్లిపాయలు                                   - 1
• పాలకూర                                         - 1 కట్ట
• అల్లం                                               - చిన్న ముక్క
• వెల్లుల్లి                                              - 3 రెబ్బలు
• కొత్తిమీర                                            - 1/2 కట్ట (కాడలతో)
• పచ్చి మిరపకాయలు                        - 5 (మీ రుచికి సరిపడా)

తయారు చేయు విధానం:

• ముందుగా ఒక మూకుడు లో కాస్త నూనె వేసి వేడిచేయండి.
• ఇందులో పేస్టు కు చెప్పిన పదార్ధాలు వేసి కాసేపు వేపండి. పాలకూర ను కూడా వేసి మగ్గించండి.
• ఈ మిశ్రమాన్ని చల్లారిన తర్వాత పేస్టు చేసుకొని పక్కన పెట్టుకోండి.
• ఇప్పుడు అదే బాండీలో మరి కాస్త నూనె తీసుకొని వేడిచేయండి.
• ఇందులో జీలకర్ర వేసి చిటపట లాడే దాకా వేయించండి.ఇప్పుడు సన్నగా తరిగిన ఉల్లిపాయలు, ఉప్పు, పసుపు వేసి ఉల్లిపాయలు బంగారు రంగు వచ్చేదాకా వేయించండి.
• ఇప్పుడు ధనియాల పొడి, జాజికాయ పొడి, ఉడికించిన వెజిటబుల్ ముక్కలు వేసి ఒక 10 నిమిషాలు ఉడకనివ్వండి.
• ఇప్పుడు పక్కన పెట్టుకున్న పేస్టు ను వేసి బాగా కలపండి.
• క్రీమ్, ఉప్పు, గరం మసాలా, కసూర్ మేతి వేసి ఒక 10 నిమిషాలు ఉడికించి స్టవ్ మీద నుండి దించేయండి.
• ఇది రోటి తో లేదా బిర్యాని తో తింటే ఎన్తూ రుచిగా ఉంటుంది.