ఆర్టీసీ బస్సుల్లో మాదిరిగా విమానాల్లోనూ మహిళలకు ప్రత్యేక సీట్లు కేటాయించనున్నారు. దేశీయ ప్రయాణాలకు సంబంధించి ఎకానమీ క్లాస్‌లో ఆరు సీట్లు రిజర్వ్ చేయనున్నట్లు ఎయిర్ ఇండియా గురువారం ప్రకటించింది. జనవరి 18 నుంచి ఇది అమలులోకి వస్తుందని పేర్కొంది.

విమానాల్లో ఒంటరిగా ప్రయాణించే మహిళల ఇబ్బందులు దృష్టిలో ఉంచుకుని ఈ నిర్ణయం తీసుకున్నట్లు ఎయిర్ ఇండియా ప్రతినిధి తెలిపారు. అయితే కుటుంబ సభ్యులతో కలిసి ప్రయాణించే వారికి రిజర్వ్ సీట్లు వర్తించని స్పష్టం చేశారు.