' సపాటు...ఎటూ లేదు పాటైనా పాడు బ్రదర్ ' అని ఉద్యోగాలు వెతికే నిరుద్యోగి దుబాయ్ నగరంలో నీరసపడిపోంనక్కరలేదు !! తన్నగా మధ్యాహ్న భోజనానికి ఆ హోటల్ కు వస్తే చాలు కడుపు నిండా ఆహరం పెట్టి పంపుతారు..దానాలలో గొప్ప దానం అన్నదానం అని భావించేమో బహుశా  దుబాయ్ కరమా ప్రాంతంలోని నోమ్ నోమ్ ఆసియా రెస్టారెంట్ మరియు ఆల్ బార్ష లో ఈ సౌకర్యం కల్పించారు. వారంలో ఒక రోజు ఇక్కడ ఒక ప్రధాన వంటకం , నూడుల్స్ లేదా అన్నం,నీటిని ఉద్యోగార్థి ఎంచుకోవచ్చు. ఇక్కడ నిరుద్యోగులకు భోజనం ఉచితంగా వడ్డిస్తారు. అయితే ఈ  దాతృత్వం అవసరం లేదని భావించే అభిమానస్తులకు ఆ డబ్బుని తమకు ఉద్యోగాలు వచ్చిన వెంటనే ఆ మొత్తాన్ని చెల్లించే విధానం ఏర్పాటుచేశారు. ఆ తరహా మొహమాట నిరుద్యోగులకు రెస్టారెంట్ ముందు ఏర్పాటు చేసిన బోర్డు పరిశీలించాలని చెల్లించడానికి తగిన ఫార్మాట్లను గమనించాలని హోటల్ యాజమాన్యం పేర్కొంది. ఆల్ బార్ష  రెస్టారెంట్ కరమ శాఖ నిరుద్యోగుల పట్ల ఈ ఔదార్యం గత ఏడాది జూన్ లో ప్రారంభమైంది. కనీసం ఒక సంవత్సరం ఈ విధంగా చేయాలని నిర్ణయించుకొంది. దుబాయికి చెందిన ఒక ఆహార సలహాదారుడు లాబీబా లలిత్ ద్వారా సామాజిక మీడియాలో ఉద్యోగాలు వెతుక్కొని వారి కోసం ఈ హోటల్ బోర్డు ఫొటోని అందరకి షేర్ చేశారు.