ప్రముఖ తమిళ  కొరియోగ్రాఫర్‌ కాం యాక్టర్  రాఘవ లారెన్స్‌ అస్వస్థతకు గురయ్యారు. తీవ్ర మెడనొప్పితో బాధపడుతున్న ఆయన ఈరోజు చెన్నైలోని పల్లవి హాస్పిటల్‌లో చేరారు. జల్లికట్టుపై మెరీనా బీచ్‌లో జరుగుతున్న ఆందోళనలో చురుగ్గ గా పాల్గొన్న లారెన్స్‌ బీచ్‌ వద్దకు మెడకు గార్డు కూడా పెట్టుకొచ్చారు. అక్కడ కాస్త అసౌకర్యంగా అనిపించడంతో వెంటనే అక్కడి నుంచి వెళ్లిపోయారు. కాగా లారెన్స్ జల్లికట్టు ఆందోళనలో పాల్గొన్నవారందరికీ కోటి రూపాయలు విలువ చేసే ఆహారపదార్థాలు, నిత్యవసర సరకులు అందించిన విషయం తెలిసిందే.