యాపిల్‌ ఐఫోన్‌ వినియోగదార్లకు శుభవార్త. ఇక మీదట వాట్సప్‌ నుంచి మీరు పంపాల్సిన సందేశాలకు అంతర్జాలం అవసరం లేదు. ఇప్పటికే ఈ ఫీచర్‌ను కొన్ని ఆండ్రాయిడ్‌ ఫోన్లలో ప్రవేశపెట్టారు. ఇప్పుడు కొత్తగా యాపిల్‌ ఐఓఎస్‌ ఆపరేటింగ్‌ సిస్టమ్‌ ఉన్న ఫోన్లకు కూడా వర్తించే విధంగా తీర్చిదిద్దారు.
అయితే ఈ ఫీచర్‌ను ఐఓఎస్‌ వెర్షన్‌ 4.2017.0200 గా ఉన్న ఫోన్లకు అందజేస్తున్నట్లు కంపెనీ తెలిపింది. ఐఫోన్లను అప్‌డేట్‌ చేసుకోవటం వలన ఈ ఆఫర్‌ను పొందొచ్చని సంస్థ తెలిపింది. వాట్సాప్‌ సంస్థ ఈ మధ్యనే కొత్తగా వీడియో కాల్‌ ఆప్షన్‌ను ప్రవేశపెట్టింది.

ఇప్పటి వరకు వాట్సాప్‌లో ఒకసారి కేవలం పది ఫొటోలను మాత్రమే ఇతరులకు పంపడానికి వీలుండేది. ఇప్పుడు ఒకేసారి 30 ఫొటోలను పంపేవిధంగా కొత్త ఫీచర్‌ను ప్రవేశపెట్టినట్లు సంస్థ తెలిపింది.