శృంగార శక్తి కోసం రకరకాల పద్ధతులను అవలంభిస్తుంటారు కానీ ఉలవలను, కొత్త బియ్యాన్ని కలిపి తీసుకుంటే ఆ శక్తి పెరుగుతుందంటారు ఆయుర్వేద నిపుణులు. ఉలవలు, కొత్త బియ్యాన్ని సమానంగా తీసుకుని దానిని జావ మాదిరిగా తయారుచేసుకోవాలి. ఈ జావను పాలతో కలిపి కొన్ని వారాలపాటు క్రమంతప్పకుండా తీసుకుంటే లైంగిక శక్తి, శృంగారానురక్తి రెండూ పెరుగుతాయి. ఐతే ఇది వాడేటప్పుడు మలబద్ధకం లేకుండా చూసుకోవాలి.
 
అంతేకాదు... ఉలవలు ఆకలిని పెంచుతాయి. కఫాన్ని పల్చగా మార్చి వెలుపలకు తెస్తాయి. కళ్లు కన్నీరు కారటం, కళ్లలో పుసులు కట్టడం వంటి సమస్యల్లో వాడవచ్చు. మూత్రాశయంలో తయారయ్యే రాళ్లను కరిగించి వెలుపలకు రావడానికి ఉలవలు సహకరిస్తాయి. తరచూ ఎక్కిళ్లు వస్తుంటే ఉలవలు తగ్గిస్తాయి.