తెలుగు రాష్ట్రాలు విడిపోయాక 'నంది' అవార్డులు ఏపీకి మాత్రమే పరితమైన విషయం తెలిసిందే. తెలంగాణ ప్రభుత్వం 'నంది అవార్డులు' స్థానంలో మరో కొత్త పేరుతో అవార్డులు ఇవ్వాలని నిర్ణయించింది. ఈ మేరకు ఓ కమిటిని కూడా నియమించింది. ఇప్పటికే కమిటీ రెండు మూడు పేర్లని సూచించినట్టు తెలుస్తోంది. అందులో ఒకటి సింహా అవార్డులు.
అయితే, ఉగాది దగ్గరపడుతుండటంతో తెలంగాణ సినీ అవార్డులపై చర్చ మొదలైంది. ఇదే విషయాన్ని మీడియా మిత్రులు తెలంగాణ రాష్ట్ర సినిమాటోగ్రఫీ మంత్రి తలసాని శ్రీనివాసయాదవ్ అడిగారు. ఇందుకు సమాధానంగా.. తెలంగాణ సినీ అవార్డులు దసరాకి ఇస్తామని మంత్రి తెలిపారు. తెలంగాణ పండగలలో దసరా పెద్ద పండగ.
ఈ నేపథ్యంలో.. దసరాకి సినీ అవార్డులని ఇవ్వాలని కేసీఆర్ సర్కార్ నిర్ణయించినట్టు తెలుస్తోంది.
అయితే, ఆ అవార్డులు 'సింహా' పేరుతో ఇస్తారా.. ? లేదా.. ?? ఇతర పేర్లని పెడతారా అన్నది త్వరలోనే తెలియనుంది. ఇక, ఎప్పటిలాగే ఈ ఉగాధికి ఏపీ ప్రభుత్వం నంది అవార్డులని ఇవ్వనుంది.