సూపర్ స్టార్ రజనీకాంత్ 'కబాలి' క్రియేట్ చేసిన క్రేజ్ గురించి తెలిసిందే. భారీ అంచనాల మధ్య ప్రేక్షకుల ముందుకొచ్చిన 'కబాలి' ఆశించినంత స్థాయిలో ఆడలేదు. అయితే, రజనీ మార్క్ స్టయిల్.. ఆయన అభిమానులని ఆకట్టుకొంది. ఇపుడీ చిత్రం సీక్వెల్ గా కబాలి 2 రెడీ అవుతోన్న విషయం తెలిసిందే.
రంజిత్ పా దర్శకత్వంలోనే కబాలి సీక్వెల్ తెరకెక్కనుంది. ఈ సీక్వెల్ కి రజనీ అల్లుడు ధనుష్ నిర్మాతగా వ్యవహరించనున్నాడు. ప్రస్తుతం ప్రీ-ప్రొడక్షన్ పనులు జోరుగా జరుగుతున్నాయి. మే నెల నుంచి ఈ సీక్వెల్ సెట్స్ పైకి వెళ్లనుంది.
ఇప్పుడీ చిత్రం బ్యాక్ డ్రాప్ ఏంటన్నది లీకైంది. 'కబాలి' ఇంటర్నేషనల్ మాఫియా బ్యాక్ డ్రాప్ తో తెరకెక్కిన విషయం తెలిసిందే.
అయితే, సీక్వెల్ మాత్రం ముంబై బ్యాక్ డ్రాప్ తో తెరకెక్కనుంది. దీంతో.. దాదాపు 60శాతం షూటింగ్ ని ముంబైలోనే చిత్రీకరించనున్నారు. మిగిలిన 40 శాతం షూటింగ్ ని చెన్నైలో చాలా తక్కువతో ఖర్చు చేసినట్టు తెలుస్తోంది.
కబాలి సీక్వెల్ ల్ సూపర్ స్టార్ రజనీ కి జంటగా జతకట్టనున్నది ఎవరు.. ? అన్నది త్వరలోనే తేలనుంది. ఈ చిత్రాన్ని వచ్చే సంక్రాంతికి రిలీజ్ చేసేందుకు ప్లాన్ చేస్తున్నారు.