లండన్ : ప్రముఖ బహుళ ఈ-కామర్స్ దిగ్గజం అమెజాన్ ఈ ఏడాది బ్రిటన్ లో 5వేలకు పైగా ఉద్యోగాలను సృష్టించనుంది. యూరోపియన్ యూనియన్ నుంచి బ్రిటన్ వైదొలిగే ప్రక్రియకు సన్నద్ధమవుతున్న సమయంలోనే ఆ దేశంలో తమ పెట్టుబడులను పెంచనున్నామని కంపెనీ ఓ ప్రకటనలో పేర్కొంది. అమెజాన్ తో పాటు ఇతర టెక్ దిగ్గజాలు గూగుల్, ఆపిల్ లు కూడా బ్రిటన్ లో తమ కమిట్ మెంట్ ను పెంచుకుంటామని ప్రకటించాయి.
యూరోపియన్ యూనియన్ నుంచి బ్రిటన్ వైదొలిగే నిర్ణయం తమ పెట్టుబడుల ప్రణాళికలపై ఎలాంటి ప్రభావం చూపవని పేర్కొన్నాయి. 2017లో 5000కు పైగా ఉద్యోగాలు కల్పించడం బ్రిటన్ లో అమెజాన్ రికార్డు సృష్టించడమేనని తెలుస్తోంది. ఈ ప్లాన్స్ తో కంపెనీ శాశ్వత ఉద్యోగుల సంఖ్య ఆ దేశంలో 24వేలకు పెరుగనుంది.
బ్రిటన్ లో ఉద్యోగాలు కల్పించడంతో కస్టమర్లకు వెనువెంటనే డెలివరీ, మంచి విలువలను కల్పిస్తామని అమెజాన్ యూకే మేనేజర్ డౌ గుర్ చెప్పారు.