మక్కా: సోషల్‌ కేర్‌ హౌస్‌కి చెందిన పలువురు పెద్దలు డ్రిఫ్టింగ్‌ వీడియోలో కన్పించడం సోషల్‌ మీడియాలో సంచలనంగా ఉంది. మినిస్ట్రీ ఆఫ్‌ లేబర్‌ అండ్‌ సోషల్‌ డెవలప్‌మెంట్‌ ఈ వీడియోపై విచారణను చేపట్టనున్నట్లు హామీ ఇచ్చింది. బాధ్యతారాహిత్యంతో ఇలాంటి పనులు చేయించడమేంటంటూ సోషల్‌ మీడియాలో కొందరు ఈ వీడియోపై ఆందోళన వ్యక్తం చేయడంతో మినిస్ట్రీ ఆఫ్‌ ఇంటీరియర్‌ స్పందించింది. సోషల్‌ కేర్‌ ఫెసిలిటీ తమ నివాసితుల్ని డ్రిఫ్టింగ్‌ ప్రాక్టీస్‌కి పంపడం ఆందోళన కలిగిస్తోంది. అది వారి ఆరోగ్యానికి, భద్రతకు ఎంతో ముప్పు తెచ్చిపెడుతుందని పలువురు అభిప్రాయం వెలిబుచ్చారు. సోషల్‌ కేర్‌ హౌస్‌, కొందరు స్పెషలైజ్‌ టీమ్స్‌ని హైర్‌ చేసుకుని, కార్లు, బైక్‌ల ద్వారా ఈ క్రీడకు ఆస్కారం కల్పించినట్లుగా అభిప్రాయపడుతున్నారు.