అల్‌ తావున్‌ ప్రాంతంలోని ఓ భవనం పైనుంచి పడ్డ 21 నెలల బాలుడు ఆసుపత్రిలో చికిత్స పొందుతూ మృతి చెందాడు. రెండు వారాల క్రితం ఆ బాలుడు తమ ఆసుపత్రికి వచ్చాడనీ, అంతర్గతంగా బ్లీడింగ్‌ అవడం, అలాగే కాళ్ళకు తీవ్ర గాయాలవడంతో అతని పరిస్థితి విషమంగా తయారైందనీ, సర్జరీ తర్వాత పరిస్థితి ఇంకా విషమించిందని అతనికి వైద్య చికిత్స అందించిన అల్‌ కాసిమి హాస్పిటల్‌ వైద్యులు వెల్లడించారు. ఫిబ్రవరి 11న ఈ ప్రమాదం చోటు చేసుకుంది. ఆడుకుంటూ బాల్కనీ నుంచి బాలుడు కిందపడిపోయాడని తల్లిదండ్రులు వివరించారు. తల్లిదండ్రుల నిర్లక్ష్యమే చిన్నారి మృతికి కారణమని పోలీసులు చెప్పారు.