దేశంలోనే మొట్ట మొదటిసారిగా అత్యాధునిక సాంకేతిక పరిజ్ఞానంతో రూపొందించిన అడ్వాన్స్‌ లైఫ్‌ సపోర్ట్‌ అంబులెన్స్‌ సర్వీసులను ఆంధ్రప్రదేశ్‌ సచివాలయంలో ముఖ్యమంత్రి చంద్రబాబు నాయుడు, రాష్ట్ర వైద్య ఆరోగ్యశాఖ మంత్రి కామినేని శ్రీనివాస్‌ ప్రాంభించారు. 13జిల్లాలకు 19 అంబులెన్సులు ఏర్పాటు చేశామని మంత్రి కామినేని తెలిపారు. ఒక్కో అంబులెన్సులో రూ.32 లక్షల విలువైన వైద్య పరికరాలు అందుబాటులో ఉంచినట్లు చెప్పారు. ప్రతి 5 లక్షల జనాభాకు ఒక అంబులెన్సు ఏర్పాటు చేశామన్నారు. ఈ అంబులెన్సులలో టెలిమెడిసిన్‌ డాక్టర్‌ ద్వారా రోగికి ప్రత్యేక వైద్య సహయం అందించే సదుపాయం ఏర్పాటు చేయాలని ముఖ్యమంత్రి సూచించినట్లు మంత్రి వివరించారు. కార్యక్రమంలో నీటిపారుదలశాఖ మంత్రి దేవినేని ఉమామహేశ్వరరావు వైద్య ఆరోగ్య శాఖ ప్రధాన కార్యదర్శి పూనం మాలకొండయ్య, పలువురు ఉన్నతాధికారులు పాల్గొన్నారు.