కార్లు, మోటార్‌ సైకిళ్లు, కమర్షియల్‌ వాహనాల బీమీ ప్రీమియం 50% పెరగనుంది. ఏప్రిల్‌ 1నుంచి ఈ పెంపును అమలు చేసే యోచనలో బీమా నియంత్రణ, అభివృద్ధి సంస్థ (ఐఆర్‌డీఏ) ఉంది. 1000-1500 సీసీ గల మధ్య తరహా కార్ల నుంచి ఎస్‌యూవీ వంటి పెద్ద కార్ల దాకా బీమా ప్రీమియం 50 శాతం పెరగనుండగా, 1000 సీసీ లోపు గల చిన్న కార్ల ప్రీమియంలో మాత్రం పెంపు ప్రతిపాదన ఏదీ చేయలేదు. స్పోర్ట్స్‌ బైకులు, 350కి పైగా సీసీ కలిగిన సూపర్‌ బైకుల ప్రీమియంను 50 శాతం పెంచాలని నిర్ణయించింది.