80కి పైగా అక్రమ వెండింగ్‌ పాయింట్స్‌ని సదరన్‌ గవర్నరేట్‌ పరిధిలో తొలగించబడ్డాయి. సదరన్‌ ఏరియా మునిసిపాలిటీ, ఈ విషయాన్ని వెల్లడించింది. 85 ప్రాంతాల్లో నిర్వహించిన తనిఖీల నేపథ్యంలో ఈ తొలగింపు జరిగినట్లు అధికారులు తెలిపారు. ఇసాటౌన్‌లో 36 లొకేషన్లలో తొలగింపు జరగగా, రిఫ్ఫాలో 35, హజియాత్‌లో 14 తొలగింపులు చోటుచేసుకున్నాయి. ప్రజలకు హానికారకమైన ఇలాంటి వ్యాపారాల విషయంలో మునిసిపాలిటీ చాలా కఠినంగా వ్యవహరిస్తుందని అధికారులు చెప్పారు. ఎప్పటికప్పుడు తనిఖీలు నిర్వహిస్తుంటామని, ఉల్లంఘనులపై చట్టపరంగా కఠిన చర్యలు ఉంటాయని హెచ్చరించారు అధికారులు. స్ట్రీట్‌ వెండర్స్‌కి సంబంధించి ఏమైనా అనుమానం ఉంటే పౌరులు మునిసిపాలిటీకి సమాచారమివ్వాలని అధికారులు విజ్ఞప్తి చేశారు.