ఫారిన్‌ డైరెక్ట్‌ ఇన్వెస్టిమెంట్స్‌, గత ఏడాది 7 శాతం పెరిగినట్లుగా స్టాటిస్టిక్స్‌ సెంటర్‌ - అబుదాబీ (ఎస్‌సిఎడి) వెల్లడించింది. ప్రభుత్వం చేపడుతున్న చర్యలు, ఆయా రంగాల్లో తీసుకొస్తున్న సంస్కరణలు, అలాగే విదేశీ కంపెనీలను ఆకర్షిస్తున్న విధానంతో దేశంలోకి పెట్టుబడుల ప్రవాహం వచ్చేందుకు ఉపకరిస్తున్నట్లు ఆర్థిక రంగ నిపుణులు అంచనా వేస్తున్నారు. ఏప్రిల్‌ 18 నుంచి 20 వరకు అబుదాబీ నేషనల్‌ ఎగ్జిబిషన్‌ సెంటర్‌లో జరిగే సిటీ స్పేస్‌ అబుదాబీ కాన్ఫరెన్స్‌లో మరింతగా ఈ రంగంలో పెట్టుబడులను ఆకర్షించే అంశాలపై చర్చ జరగనుంది. సిటీ స్పేస్‌ అబుదాబీ, పెట్టుబడిదారులకు మంచి ప్లాట్‌ఫామ్‌గా ఉపయోగపడ్తోంది. ఈ కాన్ఫరెన్స్‌లో అల్దార్‌ ప్రాపర్టీస్‌ డైరెక్టర్‌ మాన్‌ అల్‌ అవ్లాకి, మస్దార్‌ సిటీ ఫ్రీ జోన్‌ డైరెక్టర్‌ మొహమ్మద్‌ అల్‌ ఫర్దాన్‌, డుబిజిల్‌ అండ్‌ సీన్‌ మాగీ సీనియర్‌ మార్కెటింగ్‌ మేనేజర్‌ అన్‌ బూతెలో తదిరులు ప్రధాన ఆకర్షణ కానున్నారు.