సెటైరికల్ హీరోయిజం చూపించడంలో గోపీచంద్ స్టైల్ సెపరేట్. ఇదే తరహా యాక్షన్ తో ప్రేక్షకులకు దగ్గరైన గోపీచంద్, ఇప్పుడు తనలోని మరో యాంగిల్ చూపించేందుకు రెడీ అవుతున్నాడు. సంపత్ నంది డైరెక్షన్లో గోపీచంద్, గౌతమ్ నందగా రాబోతున్నాడు. ఈ మూవీలో గోపిచంద్ లోని స్టైలిష్ యాంగిల్ ను పరిచయం చేస్తూ డైరెక్టర్ ఈ సినిమా తెరకెక్కిస్తున్నాడు.
ఈ మూవీ టాకీ పార్ట్ షూటింగ్ ఇప్పటికే పూర్తవగా, ప్రస్తుతం మూవీ యూనిట్ సాంగ్స్ షూట్ కోసం దుబాయ్ వెళ్లబోతోంది. అక్కడ బూర్జ్ ఖలీఫా ప్రాంతంలోనే ఎక్కువ శాతం షూటింగ్ జరపాలని నిర్ణయించారు. దీనికి పర్మిషన్ కోసం దరఖాస్తు చేశారుకూడా. దుబాయ్ షెడ్యూల్ లో రాజు సుందరం కొరియోగ్రఫిలో గోపిచంద్ ఇంట్రడక్షన్ సాంగ్ తో పాటు మరో పాటను షూట్ చేయాలని భావిస్తున్నారు.
తిరిగివచ్చిన తర్వాత హైదరాబాద్ లో మిగిలిన పాటలను పూర్తి చేసి పోస్ట్ ప్రొడక్షన్ కార్యక్రమాలు స్టార్ట్ చేస్తారు. తమన్ సంగీతం. శ్రీ బాలాజీ సినీ మీడియా నిర్మాణం. మే నెలలో గౌతమ్ నంద రిలీజ్ కానుంది.