ట్రైలర్‌తో అంచనాలను మరింత పెంచేసిన బాహుబలి2 సినిమా పాటలు ఈ రాత్రి నుంచి ఆన్‌లైన్‌లో అందుబాటులో ఉంటాయని చిత్ర దర్శకుడు ఎస్‌ఎస్ రాజమౌళి తెలిపాడు. ఇవాళ ఈ సినిమాకు సంబంధించిన ప్రీ రిలీజ్ ఫంక్షన్‌ను ఘనంగా నిర్వహించనున్నట్లు జక్కన్న చెప్పాడు. రాజమౌళి ప్రకటనతో ప్రభాస్ ఫ్యాన్స్‌తో పాటు బాహుబలి2 సినిమా అభిమానులు కూడా ఆడియో కోసం ఆత్రుతగా ఎదురుచూస్తున్నారు. కీరవాణి సంగీత సారథ్యంలో విడుదల కానున్న ఈ పాటలు శ్రోతలను ఆకట్టుకుంటాయని చిత్ర బృందం భావిస్తోంది. బాహుబలి సినిమాలోని పాటలకు ఎంత క్రేజ్ వచ్చిందో, అంతకన్నా ఎక్కువగా ఈ పాటలు అలరిస్తాయని కీరవాణి చెబుతున్నారు. ఇప్పటికే ఈ సినిమా లిరిక్స్‌కు సంబంధించిన వివరాలు బయటికొచ్చేశాయి.
బాహుబలి2 సినిమాలో మొత్తం 5 పాటలున్నట్లు తెలుస్తోంది. ఆ పాటల జాబితా ఇదే.
 1. సాహోరే బాహుబలి 2.హంస నావ 3. కన్నా నిదురించరా 4. దండాలయ్యా 5. ఒక ప్రాణం