సముద్ర తీరానికి చేరుకునేందుకు మంచి రోడ్లు అవసరమని ఫిషర్‌మెన్‌ అభ్యర్థిస్తున్నారు. పలుమార్లు అథారిటీస్‌కి ఈ విషయమై విజ్ఞప్తులు చేసినా ఫలితం లేకుండాపోయిందని వారుఆ వేదన వ్యక్తం చేశారు. జిదాలి తీరానికి చేరుకోవడం కష్ట సాధ్యంగా మారిందని, సరైన రోడ్డు లేకపోవడంతో ఇబ్బందులు ఎదుర్కొంటున్నామని ఫిషర్‌మెన్‌ చెప్పారు. తమ వాహనాలు ఇసుకలో కూరుకుపోవడం జరుగుతోందని వారు తమ పరిస్థితిని వివరించారు. సముద్రం మీద జీవనం సాగించే తమపై కొందరు కక్షపూరితంగా వ్యవహరిస్తున్నారని కూడా వారు ఆరోపించడం జరుగుతోంది. ఓ అధికారి తమపై అక్రమంగా కేసులు నమోదు చేస్తున్నారని ఆరోపిస్తుండగా, అధికారులేమో సముద్ర తీర ప్రాంతాల్ని కలుషితం చేస్తున్నారనే ఆరోపణలతో ఫిషర్‌మెన్‌పై జరీమానాలు విధిస్తున్నారు. అయితే మునిసిపాలిటీ సిబ్బంది చెత్తను తీర ప్రాంతాల్లో పారవేస్తున్నారనీ దాన్ని తమ నేరంగా అధికారులు పరిగణిస్తున్నారని ఫిషర్‌మెన్‌ ఆరోపించడం జరుగుతోంది.