డైరెక్టర్‌గా తనకంటూ ఇమేజ్ క్రియేట్ చేసుకున్నాడు శ్రీనువైట్ల. ఈ మధ్యకాలం వరుస ఫ్లాపులతో డీలా పడిపోయాడు. దర్శకత్వంతోపాటు ఆయన కొత్త అవతారం ఎత్తనున్నట్లు టాక్. యూట్యూబ్‌లో బాగా ఫేమస్ అయిన హర్షతో కలిసి శ్రీనువైట్ల ఓ కామెడీ షోను ప్లాన్ చేస్తున్నట్లు తెలుస్తోంది.
సినిమాల కంటే కామెడీ షోలకే ఆదరణ ఎక్కువగా వుందని భావించిన వైట్ల, ఆ విధంగా ప్లాన్ చేస్తున్నట్లు సమాచారం. ఈ షోకి సంబంధించిన చర్చలు పూర్తయ్యాయని, త్వరలో ఆఫీషియల్‌గా ప్రకటన రానుంది. మరి శ్రీనువైట్ల ఈ షోల వరకే పరిమితమవుతాడా? సినిమాలు చేస్తాడా? అన్నది తెలియాల్సివుంది.