39 ఏళ్ళ ఒమనీ వ్యక్తి, కోర్ట్‌ ఆఫ్‌ ఫస్ట్‌ ఇన్‌స్టాన్స్‌ ముందు హాజరయ్యాడు. పోలీసులు అతన్ని అరెస్ట్‌ చేసేందుకు ప్రయత్నించగా, వారిపై నిందితుడు దాడికి యత్నించాడు. ఈ ఘటనలో ఇద్దరు పోలీసు అధికారులకు తేలికపాటి గాయాలయ్యాయి. పలు కేసులకు సంబంధించి నిందితుడ్ని అరెస్ట్‌ చేసేందుకు ప్రయత్నించగా, అతను తమపై దాడికి దిగినట్లు గాయాలపాలైన పోలీసులు న్యాయస్థానానికి వివరించారు. మెడ మీదా, తల మీదా, చేతుల మీదా నిందితుడి గోళ్ళ కారణంగా గాయాలు అయినట్లు వారు తెలిపారు. నిందితుడ్ని అరెస్ట్‌ చేసి, పోలీస్‌ స్టేషన్‌కి తరలించి, అట్నుంచే ఆసుపత్రికి వెళ్ళి వైద్య చికిత్స పొందామని చెబుతూ, దానికి సంబంధించిన మెడికల్‌ రిపోర్ట్‌ని కూడా కోర్టు ముందుంచారు పోలీసులు. ఇంకో వైపున నిందితుడు, తమను పోలీసులు కొట్టారంటూ విచారణలో పేర్కొన్నాడు. అయితే నిందితుడిపై ఎలాంటి గాయాలూ కనిపించలేదు.