'కాట్రు వెయిలిడై' తరువాత మణిరత్నం ఏ హీరోతో సినిమా తీయబోతున్నారని అందరూ ఎంతో ఆసక్తిగా ఎదురుచూస్తున్నారు. తమిళం, తెలుగు ద్విభాషా చిత్రం తెరకెక్కించేందుకు ఆయన సన్నాహాలు చేస్తున్నారని వార్తలు విన్పించాయి. అయితే తాజా సమాచారం మేరకు మణిరత్నం దృష్టి బాలీవుడ్‌పై పడినట్టు తెలుస్తోంది. 'గురు', 'రావణ్‌'ల తరువాత అభిషేక్‌ బచ్చన్, ఐశ్వర్యరాయ్‌లతో హ్యాట్రిక్‌ సినిమా తీసేందుకు మణిరత్నం సన్నాహాలు చేస్తున్నారని కోలీవుడ్‌ టాక్‌. వారిద్దరితోను మణిరత్నంకు మంచి స్నేహం ఉండడంతో ఈ ప్రాజెక్టు సెట్స్‌పైకి వెళ్లడం ఖాయమని చెబుతున్నారు.