తెలుగు సినీ పరిశ్రమలో హాస్యనటుడిగా తనకంటూ ఒక ప్రత్యేక స్థానాన్ని ఏర్పరచుకున్న పద్మశ్రీ డాక్టర్ బ్రహ్మానందంకు ప్రపంచ ప్రఖ్యాత హాస్యనటుడు చార్లీ చాప్లిన్ అవార్డును ఇచ్చి నిర్వహించి సత్కరించారు ఆకృతి సంస్థవారు. కార్యక్రమానికి ముఖ్య అతిధిగా విచ్చేసిన శాసనసభ స్పీకర్ సిరికొండ మధుసూధనాచారి బ్రహ్మానందంను అభినందించారు.  హాస్యం ఆరోగ్యకరంగా ఉండాలని చెప్తూ బ్రహ్మానందంను హాస్య బ్రహ్మగా అభివర్ణించారు.  కార్యక్రమంలో ఉభయ తెలుగు రాష్ట్రాల లోకాయుక్త జస్టిస్ సుభాషణ్ రెడ్డి సిల్వర్ హ్యాట్‌ను బ్రహ్మానందంకు అలంకరించారు.  కడు పేదరికంలో జన్మించి బాలకార్మికుడిగా ఎదిగిన చార్లీచాప్లిన్ తన హాస్యంతో ప్రపంచ ప్రఖ్యాతి పొందారని అటువంటి వ్యక్తి పేరుతో అవార్డుని బ్రహ్మానందం పొందడం అభినందనీయమన్నారు.