జన్మనిచ్చిన తండ్రిని దారుణంగా కత్తితో పొడిచి హతమార్చిన తనయుడికి  క్రిమినల్ చాంబర్చే కోర్ట్ అప్పీల్ మరణ శిక్ష విధించింది. అయితే కోర్టు,ముద్దాయి చిన్న పిల్లవాడు కావడంతో ఆ శిక్షను అమలు చేయడానికి లేదా క్షమాభిక్ష ప్రసాదించడానికి లేదా రక్తపరాధ డబ్బును విధించడానికి  ఎంచుకోవడానికి చట్టబద్దమైన వయస్సు ఆ నిందితునికి లేనందున మరణశిక్షను రద్దు చేసింది.అపరాధి తన తండ్రి (బాధితుడు) పారిశ్రామిక ప్రాంతం వద్ద తానూ  వదిలివేసిన కారుని తెచ్చుకునేందుకు అక్కడ వదిలివేయమని తన తండ్రిని అడిగేడు, అందుకు సరే అన్న ఆ తండ్రి కారులో ఎక్కించుకొని అక్కడకు తీసుకొని వెళుతున్న సమయంలో అకస్మాత్తుగా ఆ  కుమారుడు ఒక్కసారిగా తన తండ్రిపై పదునైన బ్లేడ్ తో గుండెలపై పొడవడంతో బాధితుడు అక్కడక్కడే మృతి చెందాడని కేసు పత్రంలో పేర్కొన్నారు.విచారణ జరుగుతున్న సమయంలో అనుమానితుడి తరుపున న్యాయవాది ముద్దాయి మానసిక వ్యాధి  "స్కిజోఫ్రెనియా" ( పిచ్చితనం) లక్షణాలతో  బాధపడతున్నట్లు కోర్టుకి నివేదించాడు.బాధితుడు మరణం యాదృచ్చికంగా  జరిగినట్లు..తన తండ్రిని చంపేందుకు తగిన కారణమేమి లేదని వివరించారు. న్యాయస్థానం నిందితుని మానసిక ఆరోగ్యం గూర్చి పరిశీలించేందుకు వైద్యపరీక్షకు సూచించింది.