పాతబస్తీ డబీర్‌పూర నివాసి సయ్యద్ సాదత్‌అహ్మద్ రిటైర్డ్ హెడ్‌మాస్టర్ (68) ఆరోగ్యం క్షిణించడంతో మక్కా ఆసుపత్రికి తరలించారు. అక్కడ చికిత్స జరుగుతున్న సమయంలో మృతి చెందారని రాష్ట్ర హజ్ కమిటీ ప్రత్యేక అధికారి ఎస్‌ఎ.షూకుర్ తెలిపారు. తెల్లవారు జామునా మక్కానగరంలోనే జనాజా నమాజ్ నిర్వహించి స్థానిక స్మశానంలో ఖననం చేశారన్నారు. సెప్టంబర్ 4న తన భార్యతో రాష్ట్ర హజ్ కమిటీ ద్వారా హజ్ యాత్రికు వెళ్లారని, హజ్ ఆరాధనలు పూర్తి చేసుకొని మక్కా నగరంలో వారికి కేటాయించిన వసతి గృహంలో బస చేసినట్లు చెప్పారు. ఈ నెల 16న తిరుగు ప్రయాణం కావాల్సి ఉందని ఒక ప్రకటనలో వివరించారు.